არქიტექტურა ახდენს ქალაქებისა და სხვა ტიპის დასახლებათა მატერიალური გარემოს ფორმირებას დაპროექტებისა და მშენებლობის რთული პროცესების გავლით.

არქიტექტორ-ტექნიკოსის ძირითადი მოვალეობაა პროექტის ხელმძღვანელის დახმარება არქიტექტურულ-სამშენებლო-საპროექტო სამუშაოების განხორციელების პროცესში.

არქიტექტორ-ტექნიკოსის საქმიანობა წარმოადგენს არქიტექტურულ სფეროში მომსახურებათა მნიშვნელოვან ქვესისტემას. არქიტექტორ-ტექნიკოსის საქმე არქიტექტურულ-სამშენებლო სამსახურზეა ორიენტირებული და მოიცავს შემდეგი სახის უნარებსა და ცოდნას: არქიტექტურული პროექტის ტექნიკური შესრულების უნარი; ქალაქგეგმარებითი გადაწყვეტილებების გრაფიკულად შესრულებისათვის სივრცული ფოტოგრაფირების უნარი, პროექტის დამუშავებისას მაკეტირების დახმარებით სამგანზომილებიანი, სივრცითი ობიექტის შესრულების უნარი; არქიტექტორ ტექნიკოსს სჭირდება: თანამედროვე, სპეციალიზირებული კომპიუტერული პროგრამების ცოდნა; სამშენებლო და სარესტავრაციო ობიექტებზე სპეციალური სამუშაოების შესრულება, ინფორმაციის შეგროვება; შესაძლო პრობლემების განჭვრეტის უნარი; შენობა-ნაგებობათა ცალკეული ელემენტების აზომვა, ნახაზებზე დაზიანებათა დატანა, დაზიანებათა ფოტოფიქსაცია, ნახაზების მიხედვით ადგილზე დაკვალვა; სამშენებლო კანონმდებლობის მარტივ საკითხებში გარკვევა.